ازل کیا ابتدا حسن و محبت کے ترانے کی

ازل کیا ابتدا حسن و محبت کے ترانے کی

ابد کیا صرف اک بدلی ہوئی سرخی فسانے کی

تڑپتی بجلیاں پھر خانہ‌ بربادی کے درپئے ہیں

قفس کی خیر یا رب ہو چکی خیر آشیانے کی

ہماری زندگی بھی ایک فرصت تھی مگر کتنی

فقط رنگ تمنا کے چڑھانے یا اڑانے کی

قفس اک تار ہے تن ایک مٹی کا گھروندا ہے

حقیقت قید کی یہ ہے یہ ہستی قید خانے کی

وہ آنکھیں دیکھ کر میں کیا زمانہ کہنے لگتا ہے

کہ ان میں ہے جسے کہتے ہیں سب گردش زمانے کی

ہماری زندگی بد مستیوں کا دور تھی بیخودؔ

ادھر ہو کر نہیں نکلی تمنا ہوش آنے کی

azal kya ibtida husn-o-mohabbat ke tarane ki

abad kya sirf ik badli hui surkhi fasane ki

tarapti bijliyan phir khana barbadi ke darpae hain

qafas ki khair ya rab ho chuki khair ashiyane ki

hamari zindagi bhi ek fursat thi magar kitni

faqat rang-e-tamanna ke charhane ya urane ki

qafas ik tar hai tan ek mitti ka gharaunda hai

haqiqat qaid ki ye hai ye hasti qaid khane ki

wo ankhen dekh kar main kya zamana kahne lagta hai

ke un mein hai jise kahte hain sab gardish zamane ki

hamari zindagi bad mastiyon ka daur thi bekhud

idhar ho kar nahin nikli tamanna hosh ane ki