Arooz is now on the App Store, for iPhone and iPad. Download →

All poetry

پیا کے نین میں بہت چھند ہے

محمد قلی قطب شاہ

پیا کے نین میں بہت چھند ہے

او وو زلف میں جیو کا آنند ہے

سجن یوں مٹھائی سوں بولے بچن

کہ اس خوش بچن میں لذت قند ہے

موہن کے او دو گال تشبیہ میں

سرج ایک دوجا سو جوں چند ہے

نول مکھ سہے حسن کا پھولبن

نین مرگ ہور زلف اس پھند ہے

او کسوت تھے جیو باس مہکے سدا

تو او باس ناریاں کا دل بند ہے

پیا کوں بلا لیائے ہوں اپ مندر

دوتن من میں اس تھے ہمن دند ہے

نبی صدقے قطباؔ کوں اپ سیج لیائی

تو چوندھر خوشیاں ہور آنند ہے