پی کے کر لیتا ہوں توبہ جب سے یہ دستور ہے — رسا رامپوری

Arooz is now on the App Store, for iPhone and iPad. Download →

رسا رامپوری

پی کے کر لیتا ہوں توبہ جب سے یہ دستور ہے

دل بھی روشن ہے مرا منہ پر بھی میرے نور ہے

آہ کرتا ہوں تو برہم کے لیے ہوتے ہو تم

درد مندان محبت کا یہی دستور ہے

غیر سے ملنے کے شکوے پر قیامت ڈھا گیا

ان کا یہ کہنا کہ دل سے آدمی مجبور ہے

میں سوال وصل کر کے اس ادا پر مٹ گیا

ہنس کے فرمایا کہ یہ درخواست نامنظور ہے

حشر میں اللہ سے فریاد ان کے ظلم کی

اے رساؔ یہ بات تو شرط وفا سے دور ہے