اس جسم کی ہے پانچ عناصر سے بناوٹ

اس جسم کی ہے پانچ عناصر سے بناوٹ

عقل‌ و دل و پندار کی ساری ہے بناوٹ

ہیں حافظہ ادراک تمیز اور تخیل

افعالی و علمی خمسات اس کی سجاوٹ

تعمیر جن اجزا سے ہوئی خانۂ تن کی

ہے جان سے ان سب کی نمودار دکھاوٹ

آتے ہوئے اس تن میں نہ جاتے ہوئے تن سے

ہے جان مکیں کو نہ لگاوٹ نہ رکاوٹ

انصاف کی میزاں میں اسے تول تو ساحرؔ

سب سچ ہے نہیں جھوٹ کی کچھ اس میں ملاوٹ

is jism ki hai panch anasir se banawat

aql-o-dil-o-pindar ki sari hai banawat

hain hafiza idrak tamiz aur takhayyul

afali-o-ilmi khamsat us ki sajawat

taamir jin ajza se hui khana-e-tan ki

hai jan se un sab ki numudar-e-dukhot

ate hue is tan mein na jate hue tan se

hai jan makin ko na lagawat na rukawat

insaf ki mizan mein use tol to sahir

sab sach hai nahin jhut ki kuchh is mein milawat