پھونک دے ہے منہ ترا ہر صاف دل کے تن میں آگ

پھونک دے ہے منہ ترا ہر صاف دل کے تن میں آگ

سامنے خورشید کے لگتی ہے جو درپن میں آگ

تجھ سے اے بلبل زیادہ گل میں ہے تاثیر عشق

دل میں خوں لب پر ہنسی ہے اس کے پیراہن میں آگ

اہل زر ساز رعونت سے ہوویں گے دوزخی

ڈالتے ہیں شمع کی اول رگ گردن میں آگ

کوہ کن لالہ سے خوں تیرا ہے جوشاں بعد سال

بے ستوں کے دیکھ دائم ہے بھری دامن میں آگ

سوز ہجر کانہا سے جو سانولا تھا عزلتؔ آہ

داغ دار آخر لگی ٹیسو کے بندرابن میں آگ

phunk de hai munh tira har saf dil ke tan mein ag

samne khurshid ke lagti hai jo darpan mein ag

tujh se ai bulbul ziyada gul mein hai tasir-e-ishq

dil mein khun lab par hansi hai us ke pairahan mein ag

ahl-e-zar saz raunat se howen ge dozakhi

dalte hain shama ki awwal rag-e-gardan mein ag

koh kin lala se khun tera hai joshan baad sal

be sutun ke dekh daim hai bhari daman mein ag

soz-e-hijr kanha se jo sanwala tha uzlat ah

dagh dar akhir lagi tesu ke bandrabin mein ag