پہلے شرما کے مار ڈالا

پہلے شرما کے مار ڈالا

پھر سامنے آ کے مار ڈالا

ساقی نہ پلائی تونے آخر

ترسا ترسا کے مار ڈالا

عیسیٰ تھے تو مرنے ہی نہ دیتے

تم نے تو جلا کے مار ڈالا

بیمار الم کو تو نے ناصح

سمجھا سمجھا کے مار ڈالا

خنجر کیسا فقط ادا سے

تڑپا تڑپا کے مار ڈالا

یاد گیسو نے ہجر کی شب

الجھا الجھا کے مار ڈالا

فرقت میں ترے غم و الم نے

تنہا مجھے پا کے مار ڈالا

خنجر نہ ملا تو اس نے بیدمؔ

آنکھیں دکھلا کے مار ڈالا

pahle sharma ke mar dala

phir samne a ke mar dala

saqi na pilai tune akhir

tarsa tarsa ke mar dala

isa the to marne hi na dete

tum ne to jala ke mar dala

bimar alam ko tu ne naseh

samjha samjha ke mar dala

khanjar kaisa faqat ada se

tarpa tarpa ke mar dala

yad-e-gesu ne hijr ki shab

uljha uljha ke mar dala

furqat mein tire gham-o-alam ne

tanha mujhe pa ke mar dala

khanjar na mila to us ne bedam

ankhen dikhla ke mar dala