پیام لے کے جو پیغام بر روانہ ہوا

پیام لے کے جو پیغام بر روانہ ہوا

حسد کو حیلہ ملا اشک کو بہانہ ہوا

وہ میری آہ جو شرمندۂ اثر نہ ہوئی

وہ میرا درد جو منت کش دوا نہ ہوا

خیال میں نہ رہیں صورتیں عزیزوں کی

وطن سے چھوٹے ہوئے اس قدر زمانہ ہوا

وہ داغ جس کو جگہ دل میں دی تھی جیتے جی

چراغ بھی تو ہمارے مزار کا نہ ہوا

پری وشوں کو سناتے ہیں قصہ خواں بیخودؔ

ہمارا حال نہ ٹھہرا کوئی فسانہ ہوا

payam le ke jo paigham bar rawana hua

hasad ko hila mila ashk ko bahana hua

wo meri ah jo sharminda-e-asar na hui

wo mera dard jo minnat kash-e-dawa na hua

khayal mein na rahen suraten azizon ki

watan se chhote hue is qadar zamana hua

wo dagh jis ko jagah dil mein di thi jite ji

charagh bhi to hamare mazar ka na hua

pari washon ko sunate hain qissa khwan bekhud

hamara hal na thahra koi fasana hua