پڑی جو شعلۂ رخ پر نظر میں آگ لگی

پڑی جو شعلۂ رخ پر نظر میں آگ لگی

مثال طور جلا دل جگر میں آگ لگی

زوال اہل ہنر کو ہنر کے ساتھ ہوا

سخن پہ اوس پڑی اور ہنر میں آگ لگی

ہوا عتاب سے سرخ اس نگار کا چہرہ

غضب ہوا کہ دل فتنہ گر میں آگ لگی

بڑے بڑوں کو ہوا‌ و ہوس نے خوار کیا

ہوئے نفاق سے برباد گھر میں آگ لگی

جگر کو سوز نہاں نے جلا دیا روشنؔ

ہوئی جو اشک فشاں چشم تر میں آگ لگی

pari jo shola-e-rukh par nazar mein ag lagi

misal-e-tur jala dil jigar mein ag lagi

zawal ahl-e-hunar ko hunar ke sath hua

sukhan pe os pari aur hunar mein ag lagi

hawa itab se surkh is nigar ka chehra

ghazab hua ke dil-e-fitna gar main ag lagi

bare baron ko hua-o-hawas ne khwar kya

hue nifaq se barbad ghar mein ag lagi

jigar ko soz-e-nihan ne jala diya raushan

hui jo ashk fishan chashm-e-tar mein ag lagi