پڑیں یہ کس کے جلوے پر نگاہیں

پڑیں یہ کس کے جلوے پر نگاہیں

نگاہیں بن گئیں خود جلوہ گاہیں

کہے مجھ سے نہ کوئی ضبط غم کو

ابھی منہ سے نکل جائیں گی آہیں

سلوک اپنا ہے ان کے نقش پا پر

یہی ہیں منزل عرفاں کی راہیں

انہیں دیکھیں وہ دیکھیں یا نہ دیکھیں

انہیں چاہیں وہ چاہیں یا نہ چاہیں

چلائے تھے جنہوں نے تیر دل پر

ہم آنکھوں میں لئے ہیں وہ نگاہیں

نتیجہ ہے یہ آہیں کھینچنے کا

ہمیں کھینچے لئے پھرتی ہیں آہیں

شرفؔ کس نے یہ ڈالی آنکھ میں آنکھ

نگاہوں سے نکل آئیں نگاہیں

paren ye kis ke jalwe par nigahen

nigahen ban gain khud jalwa gahen

kahe mujh se na koi zabt-e-gham ko

abhi munh se nikal jaengi ahen

suluk apna hai un ke naqsh-e-pa par

yahi hain manzil-e-irfan ki rahen

unhen dekhen wo dekhen ya na dekhen

unhen chahen wo chahen ya na chahen

chillae the jinhon ne tir dil par

ham ankhon mein liye hain wo nigahen

natija hai ye ahen khinchne ka

hamen khinche liye phirti hain ahen

sharaf kis ne ye dali ankh mein ankh

nigahon se nikal aen nigahen