پوچھی نہ چشم تر کی نہ آہ رسا کی بات

پوچھی نہ چشم تر کی نہ آہ رسا کی بات

کرتے رہے وہ مجھ سے بس آب و ہوا کی بات

کیا بات میں سے بات نکلتی چلی گئی

تھا مدعا یہی کہ نہ ہو مدعا کی بات

رسم و رہ جہاں کی سفارش رہی مگر

پھر بھی تو آنے پائی نہ اہل وفا کی بات

کیا رسم التفات زمانے سے اٹھ گئی

سب کی زباں پر ہے ستم ناروا کی بات

طوفاں کا خطرہ سن کے نہ کر خوف اس قدر

آخر خدا کی بات نہیں ناخدا کی بات

گویا اسدؔ ہے دل کی زباں دل کا آئنہ

کس درجہ صاف ہوتی ہے اہل صفا کی بات

puchhi na chashm-e-tar ki na ah-e-rasa ki bat

karte rahe wo mujh se bas ab-o-hawa ki bat

kya bat mein se bat nikalti chali gai

tha muddaa yahi ke na ho muddaa ki bat

rasm-o-rah jahan ki sifarish rahi magar

phir bhi to ane pai na ahl-e-wafa ki bat

kya rasm-e-iltifat zamane se uth gai

sab ki zaban par hai sitam narawa ki bat

tufan ka khatra sun ke na kar khauf is qadar

akhir khuda ki bat nahin nakhuda ki bat

goya asad hai dil ki zaban dil ka aina

kis darja saf hoti hai ahl-e-safa ki bat