پوشیدہ دیکھتی ہے کسی کی نظر مجھے

پوشیدہ دیکھتی ہے کسی کی نظر مجھے

دیکھ اے نگاہ شوق تو رسوا نہ کر مجھے

مقصد سے بے نیاز رہا ذوق جستجو

میں بے خبر ہوا جو ہوئی کچھ خبر مجھے

میں شب کی بزم عیش کا ماتم نشیں ہوں آپ

رو رو کے کیوں رلاتی ہے شمع سحر مجھے

حیرت نے میری آئینہ ان کو بنا دیا

کیا دیکھتے کہ رہ گئے وہ دیکھ کر مجھے

قربان جاؤں چھوڑ تکلف کی گفتگو

کہہ کر پکار وحشتؔ شوریدہ سر مجھے

poshida dekhti hai kisi ki nazar mujhe

dekh ai nigah-e-shauq to ruswa na kar mujhe

maqsad se be niyaz raha zauq-e-justuju

main be khabar hua jo hui kuchh khabar mujhe

main shab ki bazm-e-aish ka matam nashin hun ap

ro ro ke kyun rulati hai sham-e-sahar mujhe

hairat ne meri aina un ko bana diya

kya dekhte ke rah gae wo dekh kar mujhe

qurban jaun chhor takalluf ki guftugu

kah kar pukar wahshat-e-shorida sar mujhe