پڑھ نہ اے ہم نشیں وصال کا شعر

پڑھ نہ اے ہم نشیں وصال کا شعر

جس سے رنگیں ہو خط و خال کا شعر

یوں تلاشی جو چاہے لکھ جاوے

لیک مشکل ہے بول چال کا شعر

طول کھینچا بیان نک سک نے

میں لکھا اس کے بال بال کا شعر

اس کے عشق کمر میں اے یارو

ہم تو کہنے لگے خیال کا شعر

سو خیالی بھی ایسا جس کے حضور

گرد ہے میرزا جلالؔ کا شعر

مصحفیؔ تیرے شعر دل کش کو

اب تو لگتا نہیں کمال کا شعر

parh na ai ham nashin wisal ka sher

jis se rangin ho khat-o-khal ka sher

yun talashi jo chahe likh jawe

lek mushkil hai bol chal ka sher

tul khincha bayan nak suk ne

main likha us ke bal bal ka sher

us ke ishq-e-kamar mein ai yaro

ham to kahne lage khayal ka sher

so khayali bhi aisa jis ke huzur

gard hai mirza-e-jalal ka sher

mushafi tere sher dil kash ko

ab to lagta nahin kamal ka sher