پھر آ گئی اک بت پہ طبیعت کو ہوا کیا

پھر آ گئی اک بت پہ طبیعت کو ہوا کیا

ٹلتی ہی نہیں سر سے مصیبت کو ہوا کیا

محروم پھر آیا در مے خانہ سے واعظ

رندان قدح خوار کی ہمت کو ہوا کیا

مقبول دعا ہو نہ اثر آہ و فغاں میں

اس دور میں تاثیر محبت کو ہوا کیا

اس حسن و لطافت پہ کیا سنگ دل ایسا

حیرت میں ہوں اللہ کی حکمت کو ہوا کیا

جاگے تو کوئی انجمن غیر میں شب بھر

اور چھائی مرے منہ پہ ندامت کو ہوا کیا

دانستہ نقاب الٹے ہوئے ہیں سر بازار

اور اس پہ یہ کہتے ہیں کہ خلقت کو ہوا کیا

لو ہم تو چلے کوثر و تسنیم پہ زاہد

تم یونہی کہے جاؤ کہ رحمت کو ہوا کیا

مائلؔ نہیں کیا اور زمانے میں الٰہی

مجھ پر ہی اترتی ہے یہ آفت کو ہوا کیا

phir a gai ik but pe tabiat ko hua kya

talti hi nahin sar se musibat ko hua kya

mahrum phir aya dar-e-mai khana se waiz

rindan-e-qadah khwar ki himmat ko hua kya

maqbul dua ho na asar ah-o-fughan mein

is daur mein tasir-e-mohabbat ko hua kya

us husn-o-latafat pe kiya sang dil aisa

hairat mein hun allah ki hikmat ko hua kya

jage to koi anjuman-e-ghair mein shab bhar

aur chhai mire munh pe nadamat ko hua kya

danista naqab ulte hue hain sar-e-bazar

aur us pe ye kahte hain ke khilqat ko hua kya

lo ham to chale kausar-o-tasnim pe zahid

tum yunhi kahe jao ke rahmat ko hua kya

mail nahin kya aur zamane mein ilahi

mujh par hi utarti hai ye afat ko hua kya