اس بت کو دل دکھا کے کلیجہ دکھا دیا

اس بت کو دل دکھا کے کلیجہ دکھا دیا

اسباب اپنی ذات کا سارا دکھا دیا

ہم نے تمہاری بات پہ دکھلا کے آئنہ

معشوق خوبرو تمہیں تم سا دکھا دیا

مشتاق دل ہوا جو وہ مے نوش بزم میں

میں نے اٹھا کے ہاتھ میں شیشہ دکھا دیا

ہم نے بھی ان کو ان کی طرح چھیڑ چھاڑ میں

رونا دکھا دیا کبھی ہنسنا دکھا دیا

او بحر حسن گریۂ بے حد کے لطف سے

سو بار مجھ کو اشک کا دریا دکھا دیا

ہم نے شگفتہؔ اس بت کافر کو پیار میں

اپنا سمجھ کے مال پرایا دکھا دیا

us but ko dil dikha ke kaleja dikha diya

asbab apni zat ka sara dikha diya

ham ne tumhari bat pe dikhla ke aina

maashuq khubru tumhen tum sa dikha diya

mushtaq dil hua jo wo mai nosh bazm mein

main ne utha ke hath mein shisha dikha diya

ham ne bhi un ko un ki tarah chher chhar mein

rona dikha diya kabhi hansna dikha diya

o bahr-e-husn-e-girya-e-be had ke lutf se

sau bar mujh ko ashk ka dariya dikha diya

ham ne shagufta us but-e-kafir ko pyar mein

apna samajh ke mal paraya dikha diya