ٹیس پیڑو میں اٹھی اوہی مری جان گئی

ٹیس پیڑو میں اٹھی اوہی مری جان گئی

مت ستا مجھ کو دوگانا ترے قربان گئی

تجھ سے جب تک نہ ملی تھی مجھے کچھ دکھ ہی نہ تھا

ہاتھ ملتی ہوں بری بات کو کیوں مان گئی

جوں جوں پہنچی ہے چمک بندی کا دم رکتا ہے

اب مری جان گئی جان یہ میں جان گئی

میں ترے پاس دوگانا ابھی آئی تھی چلی

میرے گھر میں تو عبث کرنے کو طوفان گئی

زہر لگتی ہے مجھے یہ تری چتھل بازی

یاں ترے آنے سے باجی تجھے پہچان گئی

تیری رنگیںؔ سے کہیں آنکھ لڑی سچ کہہ دے

کچھ تو گھبرائی ہوئی پھرتی ہے اوسان گئی

tis pero mein uthi uhi miri jan gai

mat sata mujh ko dogana tire qurban gai

tujh se jab tak na mili thi mujhe kuchh dukh hi na tha

hath milti hun buri bat ko kyun man gai

jun jun pahunchi hai chamak bandi ka dam rukta hai

ab miri jan gai jan ye main jan gai

main tire pas dogana abhi ai thi chali

mere ghar mein to abas karne ko tufan gai

zahr lagti hai mujhe ye tiri chathal bazi

yan tire ane se baji tujhe pahchan gai

teri rangin se kahin ankh lari sach kah de

kuchh to ghabrai hui phirti hai ausan gai