ٹکڑے جگر کے آنکھ سے بارے نکل گئے

ٹکڑے جگر کے آنکھ سے بارے نکل گئے

ارمان آج دل کے ہمارے نکل گئے

واحسرتا کہ لخت جگر تھے جو طفل اشک

آنکھوں کے سامنے سے ہمارے نکل گئے

شعلے ہمارے آہوں کے ایسے ہوئے بلند

ابروں سے آسماں کے ستارے نکل گئے

مانند دشت خرقہ ہوا کہنہ اے نسیمؔ

دامن کے ہر طرف سے کنارے نکل گئے

tukre jigar ke ankh se bare nikal gae

arman aj dil ke hamare nikal gae

wahsarta ke lakht-e-jigar the jo tifl-e-ashk

ankhon ke samne se hamare nikal gae

shole hamare ahon ke aise hue buland

abron se asman ke sitare nikal gae

manind-e-dasht khirqa hua kohna ai nasim

daman ke har taraf se kinare nikal gae