پابند حکم گریۂ بے اختیار ہوں

پابند حکم گریۂ بے اختیار ہوں

میں سیل آبشار ہوں ابر بہار ہوں

ابر بہار ہوں نہ فضائے بہار ہوں

میں گرد دامن چمن روزگار ہوں

اے باغبان گلشن ہستی بتا مجھے

اپنی بہار ہوں کہ چمن کی بہار ہوں

ہیں یاں کے ذرے ذرے میں بے تابیاں مری

میں جان بے قرار و دل بے قرار ہوں

کہتا ہے حسن یار سے حسن نگاہ مصر

چڑھتی بہار تو میں اترتی بہار ہوں

اب میں کہاں زمین و فضائے وطن کہاں

بیخودؔ میں آندھیوں کا اڑایا غبار ہوں

paband-e-hukm-e-girya-e-be ikhtiyar hun

main sail-e-abshar hun abr-e-bahar hun

abr-e-bahar hun na faza-e-bahar hun

main gard daman-e-chaman-e-rozgar hun

ai baghban-e-gulshan-e-hasti bata mujhe

apni bahar hun ke chaman ki bahar hun

hain yan ke zarre zarre mein be tabiyan miri

main jan-e-be qarar-o-dil-e-be qarar hun

kahta hai husn-e-yar se husn-e-nigah-e-misr

charhti bahar to main utarti bahar hun

ab main kahan zamin-o-faza-e-watan kahan

bekhud mein andhiyon ka uraya ghubar hun