ٹوٹے پڑتے ہیں یہ ہیں کس کے خریدار تمام

ٹوٹے پڑتے ہیں یہ ہیں کس کے خریدار تمام

صبح سے بند ہیں کیوں مصر کے بازار تمام

اب رہا کون جو دیدار تمہارا دیکھے

پردہ اٹھتے ہی ہوئی حسرت دیدار تمام

اک جھلک دیکھ لی پردے سے تو ظالم نے کہا

لوٹ لی تو نے مرے حسن کی سرکار تمام

حسن انداز ادا ناز نگاہیں شوخی

دل مرا چھین کے بن بیٹھے ہیں مختار تمام

اب بھی اپنا کوئی بیخودؔ مجھے سمجھا کہ نہیں

چھپ گئے اب تو مرے حال کے اخبار تمام

tute parte hain ye hain kis ke kharidar tamam

subh se band hain kyun misr ke bazar tamam

ab raha kaun jo didar tumhara dekhe

parda uthte hi hui hasrat-e-didar tamam

ik jhalak dekh li parde se to zalim ne kaha

laut li tu ne mire husn ki sarkar tamam

husn andaz-e-ada naz nigahen shokhi

dil mira chhin ke ban baithe hain mukhtar tamam

ab bhi apna koi bekhud mujhe samjha ke nahin

chhup gae ab to mire hal ke akhbar tamam