پئے گناہ ہے تیری پناہ کی تخصیص

پئے گناہ ہے تیری پناہ کی تخصیص

کہ ہے تجھی پہ ہر اک داد خواہ کی تخصیص

جو آپ سمجھے ہیں مجرم ہمیں تو کچھ نہیں ڈر

کہ کی ہے آپ ہی نے دو گواہ کی تخصیص

فراق یار میں بے روئے بن نہیں پڑتی

اثر کے واسطے کر دی ہے آہ کی تخصیص

نہ دل چراتے ہمارا نہ تم خجل ہوتے

پئے حجاب ہے نیچی نگاہ کی تخصیص

دکھاوے اور کوئی اپنا یار زہرہ جبیں

جو آسماں نہیں اس رشک ماہ کی تخصیص

پہنچ ہی جاتے کبھی پھر پھرا کے در پہ ترے

یہ تو نے کاہے کو کی ایک راہ کی تخصیص

تمام خلق خدا تجھ کو چاہنے لگتی

لگا نہ دیتا اگر تو پناہ کی تخصیص

وہ مجھ سے کہتے ہیں تم چاہتے نہیں مجھ کو

مرے ڈبونے کو کرتے ہیں چاہ کی تخصیص

ہے تیری ذرہ نوازی کی یہ دلیل ادنیٰ

کہ آسماں کے ہے ہمراہ جاہ کی تخصیص

piye gunah hai teri panah ki takhsis

ke hai tujhi pe har ik dad khwah ki takhsis

jo ap samjhe hain mujrim hamen to kuchh nahin dar

ke ki hai ap hi ne do gawah ki takhsis

firaq-e-yar mein be ru-e-ban nahin parti

asar ke waste kar di hai ah ki takhsis

na dil churate hamara na tum khajil hote

piye hijab hai nichi nigah ki takhsis

dikhawe aur koi apna yar zohra jabin

jo asman nahin is rashk-e-mah ki takhsis

pahunch hi jate kabhi phir phira ke dar pe tire

ye tu ne kahe ko ki ek rah ki takhsis

tamam khalq-e-khuda tujh ko chahne lagti

laga na deta agar to panah ki takhsis

wo mujh se kahte hain tum chahte nahin mujh ko

mire dubone ko karte hain chah ki takhsis

hai teri zarra nawazi ki ye dalil adna

ke asman ke hai hamrah jah ki takhsis