پارسائی ان کی جب یاد آئے گی

پارسائی ان کی جب یاد آئے گی

مجھ سے میری آرزو شرمائے گی

گر یہی ہے پاس آداب سکوت

کس طرح فریاد لب تک آئے گی

یہ تو مانا دیکھ آئیں کوئے یار

پھر تمنا اور کچھ فرمائے گی

جانے دے صبر و قرار و ہوش کو

تو کہاں اے بے قراری جائے گی

ہجر کی شب گر یہی ہے اضطراب

نیند اے تسلیمؔ کیوں کر آئے گی

parsai un ki jab yad aegi

mujh se meri arzu sharmaegi

gar yahi hai pas adab-e-sukut

kis tarah fariyad lab tak aegi

ye to mana dekh aen ku-e-yar

phir tamanna aur kuchh farmaegi

jane de sabr-o-qarar-o-hosh ko

tu kahan ai be qarari jaegi

hijr ki shab gar yahi hai iztirab

nind ai taslim kyun kar aegi