پاس آداب ترے حسن کا کرتے کرتے

پاس آداب ترے حسن کا کرتے کرتے

تجھ کو دیکھا بھی کبھی ہوں گا تو ڈرتے ڈرتے

مستعد ہو کے مرے قتل پہ آیا جلاد

میں نے یہ شعر پڑھا درد سے مرتے مرتے

بارے صد شکر خدا کا کہ بر آئی امید

آرزو آج کی یک عمر سے کرتے کرتے

سرد مہروں سیتی پالا نہ پڑا تھا سو پڑا

ہو گئے سرد دم سرد کے بھرتے بھرتے

منزل عشق نہ طے ہووی بقول سوداؔ

مل گئے خاک میں یاں پاؤں کے دھرتے دھرتے

pas adab tire husn ka karte karte

tujh ko dekha bhi kabhi hunga to darte darte

mustaid ho ke mire qatl pe aya jallad

main ne ye sher parha dard se marte marte

bare sad shukr-e-khuda ka ke bar ai ummid

arzu aj ki yak umr se karte karte

sard mehron saiti pala na para tha so para

ho gae sard dam-e-sard ke bharte bharte

manzil-e-ishq na tai howi baqaul-e-sauda

mil gae khak mein yan paon ke dharte dharte