پابندیِ وحشت میں زنجیر کے مشتاق

پابندیِ وحشت میں زنجیر کے مشتاق

بے رحم نہیں جرمِ وفا قابلِ بخشش

محروم ہیں کس واسطے تعزیر کے مشتاق

رہتے تھے بہم جن سے مثالِ ورق و حرف

اب ان کی رہا کرتے ہیں تحریر کے مشتاق

لکھتا ہوں جو میں آرزوئے قتل میں نامے

ہیں میرے کبوتر بھی ترے تیر کے مشتاق

کیوں قتل میں عشاق کے اتنا ہے تغافل

مر جائیں گے ظالم دمِ شمشیر کے مشتاق

اے آہ ذرا شرم کہ وہ کہتے ہیں اکثر

مدت سے ہیں ہم آہ کی تاثیر کے مشتاق

سیماب تھا دل، جل کے سو اب خاک ہوا ہے

لے جائیں مری خاک کو اکسیر کے مشتاق

کیا ہجر کے دن آنے میں ہے عذر سنیں تو

ہم ہیں ملک الموت کی تقریر کے مشتاق

دل سرد کے سن کے ترے لالۂ موزوں

تھے شیفتہ ہم محسنِ تاثیر کے مشتاق

pabandi-e-wahshat mein zanjir ke mushtaq

be rahm nahin jurm-e-wafa qabil-e-bakhshish

mahrum hain kis waste taazir ke mushtaq

rahte the baham jin se misal-e-waraq-o-harf

ab un ki raha karte hain tahrir ke mushtaq

likhta hun jo main arzu-e-qatl mein name

hain mere kabutar bhi tire tir ke mushtaq

kyun qatl mein ushshaq ke itna hai taghaful

mar jaenge zalim dam-e-shamshir ke mushtaq

ai ah zara sharm ke wo kahte hain aksar

muddat se hain ham ah ki tasir ke mushtaq

simab tha dil, jal ke so ab khak hua hai

le jaen miri khak ko iksir ke mushtaq

kya hijr ke din ane mein hai uzr sunen to

ham hain mulk almut ki taqrir ke mushtaq

dil sard ke sun ke tire lala-e-mauzun

the shefta ham mohsin-e-tasir ke mushtaq