پسند آئیں مجھ کو ادائیں تمہاری

پسند آئیں مجھ کو ادائیں تمہاری

یہی دل میں ہے لوں بلائیں تمہاری

کہا وصل کو جب تو بولے وہ ہنس کر

ہیں حد سے زیادہ خطائیں تمہاری

جلا کر کیا خاک سوز الم نے

کہاں تک اٹھاؤں جفائیں تمہاری

رہیں گی سدا یادگار زمانہ

وفائیں ہماری جفائیں تمہاری

شکایت نہ کرنا عزیزؔ ان کی ہرگز

کہ شاید وہ بگڑی بنائیں تمہاری

pasand aen mujh ko adaen tumhari

yahi dil mein hai lun balaen tumhari

kaha wasl ko jab to bole wo hans kar

hain had se ziyada khataen tumhari

jala kar kiya khak soz-e-alam ne

kahan tak uthaun jafaen tumhari

rahengi sada yadgar-e-zamana

wafaen hamari jafaen tumhari

shikayat na karna aziz un ki hargiz

ke shayad wo bigri banaen tumhari