پردۂ درد میں آرام بٹا کرتے ہیں
Muztar Khairabadi (1865–1927)پردۂ درد میں آرام بٹا کرتے ہیں
اس کی درگاہ میں انعام بٹا کرتے ہیں
باب ساقی پہ الٰہی مرا سورج ڈوبے
شام ہوتے ہی جہاں جام بٹا کرتے ہیں
اس کے در پر مجھے اے گردش قسمت لے چل
سب نکموں کو جہاں کام بٹا کرتے ہیں
پیاس میں دیدۂ درویش نے تعلیم یہ دی
میکدے جاؤ جہاں جام بٹا کرتے ہیں
دل مضطر کو تسلی وہی دے گا مضطرؔ
جس کی درگاہ میں آرام بٹا کرتے ہیں
parda-e-dard mein aram bata karte hain
us ki dargah mein inam bata karte hain
bab-e-saqi pe ilahi mira suraj dube
sham hote hi jahan jam bata karte hain
us ke dar par mujhe ai gardish-e-qismat le chal
sab nikammon ko jahan kam bata karte hain
pyas mein dida-e-darwesh ne taalim ye di
maikade jao jahan jam bata karte hain
dil-e-muztar ko tasalli wahi dega muztar
jis ki dargah mein aram bata karte hain