پسے دل اس کی چتون پر ہزاروں

پسے دل اس کی چتون پر ہزاروں

موے بے ساختہ پن پر ہزاروں

مری ضد سے ہوا ہے مہرباں دوست

مرے احساں ہیں دشمن پر ہزاروں

براے شکر قاتل رونگٹوں سے

زبانیں ہیں مرے تن پر ہزاروں

نہ اٹکھیلی سے چل ہوتے ہیں صدمے

دل شیخ و برہمن پر ہزاروں

ہوا سر خم نہ زیر تیغ جلاد

رہے بوجھ اپنی گردن پر ہزاروں

ترے کشتہ ہیں ہم آنکھیں ملیں گے

ہمارے سنگ مدفن پر ہزاروں

نہ مل اے لعبت چین عطر گل زار

گلا کاٹیں گے گلشن پر ہزاروں

نہیں اک مرد کو دنیا سے مطلب

مریں نامرد اس زن پر ہزاروں

عجب کیا ہے اگر پروانے بے شمع

جلیں آتشؔ کے مدفن پر ہزاروں

pise dil us ki chitwan par hazaron

mue be sakhta pan par hazaron

miri zid se hua hai mehrban dost

mire ehsan hain dushman par hazaron

barae shukr qatil rungton se

zabanen hain mire tan par hazaron

na atkheli se chal hote hain sadme

dil-e-shaikh-o-barahman par hazaron

hawa sar kham na zer-e-tegh-e-jallad

rahe bojh apni gardan par hazaron

tire kushta hain ham ankhen milenge

hamare sang madfan par hazaron

na mil ai lobat chain itr-e-gul zar

gila katenge gulshan par hazaron

nahin ik mard ko duniya se matlab

maren namard is zan par hazaron

ajab kya hai agar parwane be shama

jalen atish ke madfan par hazaron