وہ اندھیرا ہے جدھر جاتے ہیں ہم

وہ اندھیرا ہے جدھر جاتے ہیں ہم

اپنی دیواروں سے ٹکراتے ہیں ہم

کاٹتے ہیں رات جانے کس طرح

صبح دم گھر سے نکل آتے ہیں ہم

بند کمرے میں سکوں ملنے لگا

جب ہوا چلتی ہے گھبراتے ہیں ہم

ہائے وہ باتیں جو کہہ سکتے نہیں

اور تنہائی میں دہراتے ہیں ہم

زندگی کی کشمکش باقیؔ نہ پوچھ

نیند جب آتی ہے سو جاتے ہیں ہم

wo andhera hai jidhar jate hain ham

apni diwaron se takrate hain ham

katte hain rat jane kis tarah

subh dam ghar se nikal ate hain ham

band kamre mein sukun milne laga

jab hawa chalti hai ghabrate hain ham

hae wo baten jo kah sakte nahin

aur tanhai mein dohrate hain ham

zindagi ki kashmakash baqi na puchh

nind jab ati hai so jate hain ham