وقت تزئیں جو دکھائے وہ صفا سینے کو

وقت تزئیں جو دکھائے وہ صفا سینے کو

منہ دکھانے کی نہ پھر جا رہے آئینے کو

غم نہیں محفل جاناں میں نہیں صدر نشیں

اس نے سینے میں تو جاوے ہے مرے کینے کو

اے صنم تجھ کو جو پہنچا وہ خدا کو پہنچا

زینہ عرش سمجھتا ہوں ترے زینے کو

شال شاہی سے زیادہ ہے مجھے کملیٔ فقر

جانتا پشم برابر ہوں میں پشمینے کو

ہم وہ حاتم ہیں کہ جو صورت قارون اے شادؔ

ساتھ لے جائیں گے زر بانٹ کے گنجینے کو

waqt-e-tazin jo dikhae wo safa sine ko

munh dikhane ki na phir ja rahe aine ko

gham nahin mahfil janan mein nahin sadr nashin

us ne sine mein to jawe hai mire kine ko

ai sanam tujh ko jo pahuncha wo khuda ko pahuncha

zina arsh samajhta hun tire zine ko

shal shahi se ziyada hai mujhe kamli-e-faqr

janta pasham barabar hun main pashmine ko

ham wo hatim hain ke jo surat-e-qarun ai shad

sath le jaenge zar bant ke ganjine ko