وہ اور تسلی مجھے دیں ان کی بلا دے

وہ اور تسلی مجھے دیں ان کی بلا دے

جاتے ہوئے فرما تو گئے صبر خدا دے

ہر بات کا اللہ نے بخشا ہے سلیقہ

لڑنا بھی مزا دے ترا ملنا بھی مزا دے

اس طرح بھی غش سے کہیں ہوتا ہے افاقہ

یا زلف سنگھا یا مجھے دامن کی ہوا دے

دم چڑھنے لگا غصے کے تیور جو بنائے

نازک ہو جو اتنا وہ مجھے خاک سزا دے

کمبخت نے سب کھول دیئے راز محبت

یہ کس نے کہا تھا تجھے بیخودؔ کو پلا دے

wo aur tasalli mujhe den un ki bala de

jate hue farma to gae sabr khuda de

har bat ka allah ne bakhsha hai saliqa

larna bhi maza de tira milna bhi maza de

is tarah bhi ghash se kahin hota hai ifaqa

ya zulf singha ya mujhe daman ki hawa de

dam charhne laga ghusse ke tewar jo banae

nazuk ho jo itna wo mujhe khak saza de

kambakht ne sab khol diye raz-e-mohabbat

ye kis ne kaha tha tujhe bekhud ko pila de