وقت رخصت چلتے چلتے کہہ گئے

وقت رخصت چلتے چلتے کہہ گئے

اب جو ارماں رہ گئے سو رہ گئے

جلد باز ارماں ترے دیدار کے

خون ہو کر آنسوؤں میں بہہ گئے

عمر بھر سوچا کیے سمجھے نہ ہم

آنکھوں آنکھوں میں وہ کیا کیا کہہ گئے

کیا چھپاتا ہے مرا حال اے طبیب

کہنے والے میرے منہ پر کہہ گئے

اس کی منزل تک نہ پہنچا ایک بھی

سب مسافر راستے میں رہ گئے

پہلے ناطقؔ دل جگر میں درد تھا

اب سراپا درد بن کر رہ گئے

waqt-e-rukhsat chalte chalte kah gae

ab jo arman rah gae so rah gae

jald baz arman tire didar ke

khun ho kar ansuon mein bah gae

umr bhar socha kiye samjhe na ham

ankhon ankhon mein wo kya kya kah gae

kya chhupata hai mira hal ai tabib

kahne wale mere munh par kah gae

us ki manzil tak na pahuncha ek bhi

sab musafir raste mein rah gae

pahle natiq dil jigar mein dard tha

ab sarapa dard ban kar rah gae