وہ امنگیں ہیں نہ وہ دل ہے نہ اب وہ جوش ہے

وہ امنگیں ہیں نہ وہ دل ہے نہ اب وہ جوش ہے

حسن بار چشم ہے نغمہ وبال گوش ہے

میں کہوں تو کیا کہوں اب وہ کہے تو کیا کہے

دے کے دل خاموش ہوں وہ لے کے دل خاموش ہے

اے وفور شادمانی یہ سمجھ لینے تو دے

کیا ہمیں ہیں جس سے وہ ہم بزم ہم آغوش ہے

اس طرف دل پر جگر پر اس طرف رہتا ہے ہاتھ

اپنی ہر کروٹ میں اک معشوق ہم آغوش ہے

تار اس کا ٹوٹنے پائے نہ کیفیؔ حشر تک

دامن اشک ندامت جرم عصیاں پوش ہے

wo umangen hain na wo dil hai na ab wo josh hai

husn bar-e-chashm hai naghma wabal-e-gosh hai

main kahun to kya kahun ab wo kahe to kya kahe

de ke dil khamosh hun wo le ke dil khamosh hai

ai wafur-e-shadmani ye samajh lene to de

kya hamen hain jis se wo ham bazm ham aghosh hai

is taraf dil par jigar par is taraf rahta hai hath

apni har karwat mein ik maashuq ham aghosh hai

tar us ka tutne pae na kaifi hashr tak

daman-e-ashk-e-nadamat jurm-e-isyan posh hai