وہ بیکلی نہیں دل کو وہ اضطراب نہیں

وہ بیکلی نہیں دل کو وہ اضطراب نہیں

تمہارے ہجر کا اب کچھ مجھے عتاب نہیں

جلا بھنا ہوں مجھے خواہش کباب نہیں

پلا دے دھو کے سبو ہی اگر شراب نہیں

سنا ہے ہم نے کہ عارض پہ ہے غبار سا کچھ

بلا سے خط کا ہمارے اگر جواب نہیں

تری خبر کے لئے دیکھتے ہیں سب اخبار

مطالعہ میں کسی کے کوئی کتاب نہیں

رسیدہ بود بلائے ولے بخیر گزشت

تمہاری زلف سے خاطر کو پیچ و تاب نہیں

پلانا تول کے بادۂ مغاں خدا کے لئے

یہ دن شرف کے ہیں میزاں میں آفتاب نہیں

فرار کیوں نہ ہو ہر روز جاں نثار اک ایک

حضور آپ کی وہ دولت شباب نہیں

تمہارے زلف کی تصویر کیا کرے سیراب

خطا معاف ہو ہم تشنۂ سراب نہیں

نسیمؔ پی گئے اب مے کدوں میں ہے کیا خاک

دوا کے واسطے لندن میں بھی شراب نہیں

wo bekali nahin dil ko wo iztirab nahin

tumhare hijr ka ab kuchh mujhe itab nahin

jala bhuna hun mujhe khwahish-e-kabab nahin

pila de dho ke subu hi agar sharab nahin

suna hai ham ne ke ariz pe hai ghubar sa kuchh

bala se khat ka hamare agar jawab nahin

tiri khabar ke liye dekhte hain sab akhbar

mutalaa mein kisi ke koi kitab nahin

rasida bud bulae wale bakhair guzasht

tumhari zulf se khatir ko pech-o-tab nahin

pilana tol ke bada-e-mughan khuda ke liye

ye din sharaf ke hain mizan mein aftab nahin

farar kyun na ho har roz-e-jan nisar ik ek

huzur ap ki wo daulat-e-shabab nahin

tumhare zulf ki taswir kya kare sairab

khata muaf ho ham tishna-e-sarab nahin

nasim pi gae ab mai kadon mein hai kiya khak

dawa ke waste landan mein bhi sharab nahin