وہ بیزار مجھ سے ہوا زار میں ہوں

وہ بیزار مجھ سے ہوا زار میں ہوں

وہ مے خوار غیروں میں ہے خوار میں ہوں

نہیں عشق سے زرد زردار میں ہوں

اگر ہے وہ یوسف خریدار میں ہوں

تمنا ہے ساقی کبھی بزم مے میں

وہ سرشار ہو اور ہشیار میں ہوں

ہوئی جمع بے دردی دردمندی

دل آزار وہ ہے ستم گار میں ہوں

وہ کرتا ہے باتیں میں کرتا ہوں آہیں

گہر بار وہ ہے شرر بار میں ہوں

وہی بولتا ہے جو میں بولتا ہوں

اگر وہ ہے بلبل تو منقار میں ہوں

دگرگوں ہے ہر آن وضع محبت

کبھی غیر میں ہوں کبھی یار میں ہوں

کہا حضرت دردؔ نے خوب ناسخؔ

یہ زلف بتاں کا گرفتار میں ہوں

wo bezar mujh se hua zar mein hun

wo mai khwar ghairon mein hai khwar mein hun

nahin ishq se zard zardar mein hun

agar hai wo yusuf kharidar mein hun

tamanna hai saqi kabhi bazm-e-mai mein

wo sarshar ho aur hushyar mein hun

hui jama be dardi dardmandi

dil azar wo hai sitam gar mein hun

wo karta hai baten mein karta hun ahen

guhar bar wo hai sharar bar mein hun

wahi bolta hai jo main bolta hun

agar wo hai bulbul to minqar mein hun

digargun hai har an waz-e-mohabbat

kabhi ghair mein hun kabhi yar mein hun

kaha hazrat-e-dard ne khub nasikh

ye zulf-e-butan ka giraftar mein hun