وعدۂ وصل یار نے مارا

وعدۂ وصل یار نے مارا

لذت انتظار نے مارا

جلوۂ گل عذار نے مارا

ایک جان بہار نے مارا

پائمال غم حوادث ہوں

ستم روزگار نے مارا

نہ کھلا عقدۂ فریب شہود

دیدۂ اعتبار نے مارا

دست جور خزاں کا کیا شکوہ

مجھ کو جوش بہار نے مارا

جبر اور وہ بھی کس غضب کا جبر

تہمت اختیار نے مارا

دے کے فرخؔ مجھے پیام وفا

اک تغافل شعار نے مارا

waada-e-wasl-e-yar ne mara

lazzat-e-intizar ne mara

jalwa-e-gul izar ne mara

ek jan-e-bahar ne mara

paimal-e-gham-e-hawadis hun

sitam-e-rozgar ne mara

na khula uqda-e-fareb-e-shuhud

dida-e-etibar ne mara

dast-e-jaur-e-khizan ka kya shikwa

mujh ko josh-e-bahar ne mara

jabr aur wo bhi kis ghazab ka jabr

tohmat-e-ikhtiyar ne mara

de ke farrukh mujhe payam-e-wafa

ik taghaful shiar ne mara