آئینہ تمہارے نقش پا کا

آئینہ تمہارے نقش پا کا

خورشید کو دے سبق جلا کا

او وصل میں منہ چھپانے والے

یہ بھی کوئی وقت ہے حیا کا

جب آنکھ کھلی تو بے خودوں سے

پردہ تھا جمال خود نما کا

دل اور وہ بت زہے مقدر

ظلم اور یہ دل غضب خدا کا

جا بیٹھے ہیں مجھ سے دور اٹھ کر

کیا پاس کیا ہے التجا کا

بولے وہ حسنؔ کا خون مل کر

کیا شوخ ہے رنگ اس حنا کا

aina tumhare naqsh-e-pa ka

khurshid ko de sabaq jala ka

o wasl mein munh chhupane wale

ye bhi koi waqt hai haya ka

jab ankh khuli to be khudon se

parda tha jamal-e-khud numa ka

dil aur wo but zahe muqaddar

zulm aur ye dil ghazab khuda ka

ja baithe hain mujh se dur uth kar

kya pas kya hai iltija ka

bole wo husn ka khun mil kar

kya shokh hai rang is hina ka