وفا میں برابر جسے تول لیں گے

وفا میں برابر جسے تول لیں گے

اسے سلطنت بیچ کر مول لیں گے

اجازت اگر سر پٹکنے کی ہوگی

مقفل در یار ہم کھول لیں گے

طبیبو نہ بخشے کی صحت ٹھنڈ آئے

نہ جب تک کہ زہر اس میں ہم گھول لیں گے

کسی دن جو پلٹا مقدر ہمارا

بکے جس کے ہاتھوں اسے مول لیں گے

گلوں سے نہ ہوگی جو عقدہ کشائی

گرہ دل کے کانٹے سے ہم کھول لیں گے

ہمیں باغ جانے سے یہ مدعا ہے

ذرا بلبل و گل سے ہنس بول لیں گے

رہائی نہ دیں گے وہ قید ستم سے

نہ جب تک میری جان کو اول لیں گے

بدن کیوں چھپاتے ہو زیور پہن کر

جواہر کے اکے نہ ہم کھول لیں گے

ابھی ہم سے اور ان سے صحبت نئی ہے

جو منہ لگ چلیں گے تو ہنس بول لیں گے

غم یار بھی ابر نیساں ہے اے بحرؔ

جو ٹپکیں گے آنسو گہر رول لیں گے

wafa mein barabar jise tol lenge

use saltanat bech kar mol lenge

ijazat agar sar patakne ki hogi

muqaffal dar-e-yar ham khol lenge

tabibo na bakhshe ki sehhat thand ae

na jab tak ke zahr is mein ham ghol lenge

kisi din jo palta muqaddar hamara

bike jis ke hathon use mol lenge

gulon se na hogi jo uqda kushai

girah dil ke kante se ham khol lenge

hamen bagh jane se ye muddaa hai

zara bulbul-o-gul se hans bol lenge

rihai na denge wo qaid-e-sitam se

na jab tak meri jan ko awwal lenge

badan kyun chhupate ho zewar pahan kar

jawahir ke ikke na ham khol lenge

abhi ham se aur un se sohbat nai hai

jo munh lag chalenge to hans bol lenge

gham-e-yar bhi abr-e-naisan hai ai bahr

jo tapkenge ansu guhar rol lenge