وصل کے لطف اُٹھاؤں کیوں کر

وصل کے لطف اُٹھاؤں کیوں کر

تاب اس جلوے کی لاؤں کیوں کر

گرم جوشی کا کروں شکوہ کہ وہ

کہتے ہیں تجھ کو جلاؤں کیوں کر

کیا کروں ہائے میں بے تاب، وہ شوخ

چین سے پاس بٹھاؤں‌کیوں کر

ہر بنِ مُو سے دھواں اٹھتا ہے

آتشِ غم کو چھپاؤں کیوں کر

میرے آنے سے تم اٹھ جاتے ہیں

بزمِ دشمن میں نہ آؤں کیوں کر

یاد نے جس کی بھلایا سب کچھ

اس کی میں یاد بھلاؤں کیوں کر

آپ بھایا مجھے رونا اپنا

کہتے ہیں ہائے میں جاؤں کیوں کر

چارۂ غیر سے فرصت ہی نہیں

دردِ دل اس کو سناؤں کیوں کر

زندگانی سے خفا ہوں اپنی

پھر کہو، تم کو مناؤں کیوں کر

اس کے آتے ہی بھڑک اٹھی اور

آتشِ دل کو بجھاؤں کیوں کر

شورِ محشر ابھی چونک اٹھے گا

شیفتہ کو میں جگاؤں کیوں کر

wasl ke lutf uthaun kyun kar

tab is jalwe ki laun kyun kar

garm joshi ka karun shikwa ke wo

kahte hain tujh ko jalaun kyun kar

kya karun hae mein be tab, wo shokh

chain se pas bithaunkyun kar

har ban-e-mu se dhuan uthta hai

atish-e-gham ko chhupaun kyun kar

mere ane se tum uth jate hain

bazm-e-dushman mein na aun kyun kar

yad ne jis ki bhulaya sab kuchh

us ki main yad bhulaun kyun kar

ap bhaya mujhe rona apna

kahte hain hae mein jaun kyun kar

chara-e-ghair se fursat hi nahin

dard-e-dil us ko sunaun kyun kar

zindagani se khafa hun apni

phir kaho, tum ko manaun kyun kar

us ke ate hi bharak uthi aur

atish-e-dil ko bujhaun kyun kar

shor-e-mahshar abhi chaunk uthega

shefta ko main jagaun kyun kar