نگاہ لطف مت اٹھ خوگر آلام رہنے دے
Majaz Lakhnawi (1911–1955)نگاہ لطف مت اٹھ خوگر آلام رہنے دے
ہمیں ناکام رہنا ہے ہمیں ناکام رہنے دے
کسی معصوم پر بیداد کا الزام کیا معنی
یہ وحشت خیز باتیں عشق بد انجام رہنے دے
ابھی رہنے دے دل میں شوق شوریدہ کے ہنگامے
ابھی سر میں محبت کا جنون خام رہنے دے
ابھی رہنے دے کچھ دن لطف نغمہ مستیٔ صہبا
ابھی یہ ساز رہنے دے ابھی یہ جام رہنے دے
کہاں تک حسن بھی آخر کرے پاس روا داری
اگر یہ عشق خود ہی فرق خاص و عام رہنے دے
بہ ایں رندی مجازؔ اک شاعر مزدور و دہقاں ہے
اگر شہروں میں وہ بد نام ہے بد نام رہنے دے
nigah-e-lutf mat uth khugar-e-alam rahne de
hamen nakam rahna hai hamen nakam rahne de
kisi maasum par bedad ka ilzam kya maani
ye wahshat khez baten ishq bad anjam rahne de
abhi rahne de dil mein shauq shorida ke hangame
abhi sar mein mohabbat ka junun-e-kham rahne de
abhi rahne de kuchh din lutf-e-naghma masti-e-sahba
abhi ye saz rahne de abhi ye jam rahne de
kahan tak husn bhi akhir kare pas-e-rawa dari
agar ye ishq khud hi farq-e-khas-o-am rahne de
ba ain rindi majaz ik shayar-e-mazdur-o-dehqan hai
agar shahron mein wo bad nam hai bad nam rahne de