نوبت اپنی تو جان تک پہنچی

نوبت اپنی تو جان تک پہنچی

حیف اس کے نہ کان تک پہنچی

دل کے ٹکڑے ہیں یہ ستارے نہ ہوں

آہ لے آسمان تک پہنچی

ہے وہ آزردہ بات شکوے کی

کیا کسی مہربان تک پہنچی

مفت فرسودہ ہوئی یہ پیشانی

نہ ترے آستان تک پہنچی

دشمنی مجھ سے تیری تیغ نے کی

دوستی امتحان تک پہنچی

آتش عشق نے جو سر کھینچا

حسن کے دودمان تک پہنچی

بار غم جب کسی سے اٹھ نہ سکا

نوبت اس ناتوان تک پہنچی

تیرے مقتول کا ہے کام تمام

کارواں استخوان تک پہنچی

آتش گل سے جلتی مثل شرر

عندلیب آشیان تک پہنچی

کوئی سرگشتہ یاد آ ہی گیا

تیغ اس کی جو سان تک پہنچی

دیکھتے اس کو محو تھے ؔجوشش

کب شکایت زبان تک پہنچی

naubat apni to jan tak pahunchi

haif us ke na kan tak pahunchi

dil ke tukre hain ye sitare na hun

ah le asman tak pahunchi

hai wo azurda bat shikwe ki

kya kisi mehrban tak pahunchi

muft farsuda hui ye peshani

na tire astan tak pahunchi

dushmani mujh se teri tegh ne ki

dosti imtihan tak pahunchi

atish-e-ishq ne jo sar khincha

husn ke dudman tak pahunchi

bar-e-gham jab kisi se uth na saka

naubat is natawan tak pahunchi

tere maqtul ka hai kam tamam

karwan ustukhawan tak pahunchi

atish-e-gul se jalti misl-e-sharar

andalib ashiin tak pahunchi

koi sargashta yad a hi gaya

tegh us ki jo san tak pahunchi

dekhte us ko mahw the joshish

kab shikayat zaban tak pahunchi