نقاب چہرہ سے وہ شعلہ رو اٹھا لیتا

نقاب چہرہ سے وہ شعلہ رو اٹھا لیتا

تو چشم بد کو میں آنکھوں کا تل جلا لیتا

جو اس کے خاک کف پا بھی ملتے ہم چشمو

تو راہ پر اسے میں سرمہ سا لگا لیتا

جو ان لبوں سے نہ ہوتا مشابہ آب حیات

خضر نہ چھوڑ سکندر کو راستہ لیتا

ہوئے نہ تھے جو ابھی صاف پیچ زلفوں کی

بلا سے پنجۂ مژگاں ہی وہ لڑا لیتا

جو مجھ سے ہوتے وہ بے پردہ بد نظر کے لیے

نظر کی طرح سے آنکھوں میں میں چھپا لیتا

naqab-e-chehra se wo shola ro utha leta

tu chashm-e-bad ko main ankhon ka til jala leta

jo us ke khak kaf-e-pa bhi milte ham chashmo

tu rah par use main surma sa laga leta

jo un labon se na hota mushabeh ab-e-hayat

khizar na chhor sikandar ko rasta leta

hue na the jo abhi saf pech zulfon ki

bala se panja-e-mizhgan hi wo lara leta

jo mujh se hote wo be parda bad nazar ke liye

nazar ki tarah se ankhon mein main chhupa leta