نقاب رخ اٹھایا جا رہا ہے

نقاب رخ اٹھایا جا رہا ہے

گھٹا میں چاند آیا جا رہا ہے

زمانے کی نگاہوں میں سمو کر

مجھے دل سے بھلایا جا رہا ہے

کہاں کا جام جب یاں ذوق مستی

نگاہوں سے پلایا جا رہا ہے

ابھی ارمان کچھ باقی ہیں دل میں

مجھے پھر آزمایا جا رہا ہے

پلا کر پھر شراب حسن و جلوہ

مجھے بے خود بنایا جا رہا ہے

سلامت آپ کا جور مسلسل

مرے دل کو دکھایا جا رہا ہے

شکیبؔ اب وہ تصور میں نہ آئیں

کلیجہ منہ کو آیا جا رہا ہے

naqab-e-rukh uthaya ja raha hai

ghata mein chand aya ja raha hai

zamane ki nigahon mein samo kar

mujhe dil se bhulaya ja raha hai

kahan ka jam jab yan zauq-e-masti

nigahon se pilaya ja raha hai

abhi arman kuchh baqi hain dil mein

mujhe phir azmaya ja raha hai

pila kar phir sharab-e-husn-o-jalwa

mujhe be khud banaya ja raha hai

salamat ap ka jaur-e-musalsal

mire dil ko dikhaya ja raha hai

shakeb ab wo tasawwur mein na aen

kaleja munh ko aya ja raha hai