نقش بیٹھے ہے کہاں خواہش آزادی کا

نقش بیٹھے ہے کہاں خواہش آزادی کا

ننگ ہے نام رہائی تری صیادی کا

داد دے ورنہ ابھی جان پہ کھیلوں ہوں میں

دل جلانا نہیں دیکھا کسی فریادی کا

تو نے تلوار رکھی سر رکھا میں بندہ ہوں

اپنی تسلیم کا بھی اور تری جلادی کا

شہر کی سی رہی رونق اسی کے جیتے جی

مر گیا قیس جو تھا خانہ خدا وادی کا

شیخ کیا صورتیں رہتی تھیں بھلا جب تھا دیر

رو بہ ویرانی ہو اس کعبے کی آبادی کا

ریختہ رتبے کو پہنچایا ہوا اس کا ہے

معتقد کون نہیں میرؔ کی استادی کا

naqsh baithe hai kahan khwahish-e-azadi ka

nang hai nam rihai tiri sayyadi ka

dad de warna abhi jan pe khelun hun main

dil jalana nahin dekha kisi fariyadi ka

tu ne talwar rakhi sar rakha mein banda hun

apni taslim ka bhi aur tiri jalladi ka

shahr ki si rahi raunaq usi ke jite ji

mar gaya qais jo tha khana khuda wadi ka

shaikh kya suraten rahti thin bhala jab tha der

ru ba wirani ho is kaabe ki abadi ka

rekhta rutbe ko pahunchaya hua us ka hai

motaqid kaun nahin mir ki ustadi ka