نقاش دیکھ تو میں کیا نقش یار کھینچا

نقاش دیکھ تو میں کیا نقش یار کھینچا

اس شوخ کم نما کا نت انتظار کھینچا

رسم قلمرو عشق مت پوچھ کچھ کہ ناحق

ایکوں کی کھال کھینچی ایکوں کو دار کھینچا

تھا بد شراب ساقی کتنا کہ رات مے سے

میں نے جو ہاتھ کھینچا ان نے کٹار کھینچا

مستی میں شکل ساری نقاش سے کھنچی پر

آنکھوں کو دیکھ اس کی آخر خمار کھینچا

جی کھنچ رہے ہیں اودھر عالم کا ہوگا بلوہ

گر شانے تو نے اس کی زلفوں کا تار کھینچا

تھا شب کسے کسائے تیغ کشیدہ کف میں

پر میں نے بھی بغل بغل بے اختیار کھینچا

پھرتا ہے میرؔ تو جو پھاڑے ہوئے گریباں

کس کس ستم زدے نے داماں یار کھینچا

naqqash dekh to main kya naqsh-e-yar khincha

us shokh kam numa ka nit intizar khincha

rasm-e-qalamrau ishq mat puchh kuchh ke nahaq

ekon ki khal khinchi ekon ko dar khincha

tha bad sharab saqi kitna ke rat mai se

main ne jo hath khincha un ne katar khincha

masti mein shakl sari naqqash se khinchi par

ankhon ko dekh us ki akhir khumar khincha

ji khinch rahe hain udhar alam ka hoga balwo

gar shane tu ne us ki zulfon ka tar khincha

tha shab kise kasa-e-tegh-e-kashida kaf mein

par main ne bhi baghal baghal be ikhtiyar khincha

phirta hai mir to jo phare hue gareban

kis kis sitam zide ne daman yar khincha