نخل امید میں ثمر آیا

نخل امید میں ثمر آیا

حسن ان کا مراد پر آیا

قصد کعبہ تھا دیر میں پہونچا

کس طرف دھیان تھا کدھر آیا

رویا میں یاد یار میں جب جب

سیل اشکوں کا تا کمر آیا

واسطہ گو دیا پیمبر کا

نہ مرا پھر کے نامہ بر آیا

کر دیا کشتہ چرخ نے لیکن

نہ بغل میں وہ سیم بر آیا

خوب دیکھا مگر سوا تیرے

نہ کوئی دوسرا نظر آیا

جان دی ہم نے درد فرقت سے

نہ خبر کو وہ بے خبر آیا

صبح کی ہم نے تارے گن گن کر

پر وہ مہ رو نہ رات بھر آیا

کٹ گئی باتوں ہی میں وصل کی رات

مدعا دل کا کچھ نہ بر آیا

جب دیا اس نے بھر کے غیر کو جام

خون آنکھوں میں میری بھر آیا

ہو گئی شرم مانع وصلت

رحم بھی ان کو مجھ پہ گر آیا

نظر چرخ سے گرا خورشید

مہوش اپنا جو بام پر آیا

اپنے دل میں یہ سوچ لو وہبیؔ

جان جائے گی دل اگر آیا

nakhl-e-ummid mein samar aya

husn un ka murad par aya

qasd kaaba tha der mein pahuncha

kis taraf dhyan tha kidhar aya

roya mein yad-e-yar mein jab jab

sail ashkon ka ta kamar aya

wasta go diya payambar ka

na mira phir ke nama bar aya

kar diya kushta charkh ne lekin

na baghal mein wo sim bar aya

khub dekha magar siwa tere

na koi dusra nazar aya

jan di ham ne dard-e-furqat se

na khabar ko wo be khabar aya

subh ki ham ne tare gin gin kar

par wo mah ru na rat bhar aya

kat gai baton hi mein wasl ki rat

muddaa dil ka kuchh na bar aya

jab diya us ne bhar ke ghair ko jam

khun ankhon mein meri bhar aya

ho gai sharm mane-e-waslat

rahm bhi un ko mujh pe gar aya

nazar charkh se gira khurshid

mahwash apna jo bam par aya

apne dil mein ye soch lo wobi

jan jaegi dil agar aya