نزول وحی

قدم چالیسویں منزل میں اس یوسف نے جب رکھا

تو پہنچا کاروان وحی آواز جرس ہو کر

کہ دل تو جاگ اٹھا آنکھوں میں غفلت نیند کی چھائی

ہوا سینہ میں اس سے موجزن اک لجّہ عرفاں

کہ تاب اس جزر و مد کی فطرت انساں نہیں لائی

بڑھا جوش اس کا بڑھ کر ساحل افلاک تک پہونچا

اٹھی موج اس سے اٹھ کر عرش کی زنجیر کھڑکائی

جھروکا عرش کا روح القدس نے کھول کر دیکھا

تو نکلا مدتوں کا ربط برسوں کی شناسائی

ہوئیں جاری زباں پر آیتیں وہ نور کی جس پر

فدا ہو لحن داؤدی و انفاس مسیحائی

qadam chaliswin manzil mein is yusuf ne jab rakha

tu pahuncha karwan wahi awaz-e-jaras ho kar

ke dil to jag utha ankhon mein ghaflat nind ki chhai

hawa sina mein us se maujzan ik laja irfan

ke tab is jazr-o-mad ki fitrat-e-insan nahin lai

barha josh is ka barh kar sahil aflak tak pahuncha

uthi mauj us se uth kar arsh ki zanjir kharkai

jharoka arsh ka ruh alqudus ne khol kar dekha

tu nikla muddaton ka rabt barson ki shanasai

huin jari zaban par ayaten wo nur ki jis par

fida ho lahn daudi-o-anfas-e-masihai