نسبت وہی ماہ آسماں سے

نسبت وہی ماہ آسماں سے

لائیں تشبیہ رخ کہاں سے

مسی کی صفت بیاں نہ ہوگی

سوسن بھی کہے جو سو زباں سے

تشبیہ جو مانگ کی نہ ہاتھ آئے

لاؤں میں مانگ کہکشاں سے

سودا ہے جو بلبلوں کو گل کا

تنکے چن لائیں آشیاں سے

یہ حارج شب وہ مانع روز

درباں سے لڑوں کہ پاسباں سے

جیتیں گے نہ ہم سے بازیٔ عشق

اغیار کے پٹ پڑیں گے پانسے

ہے قدر سخن سخیؔ کو حاصل

یاں کے ہر پیر اور جواں سے

nisbat wahi mah asman se

laen tashbih rukh kahan se

missi ki sifat bayan na hogi

sosan bhi kahe jo so zaban se

tashbih jo mang ki na hath ae

laon main mang kahkashan se

sauda hai jo bulbulon ko gul ka

tinke chun laen ashiyan se

ye haraj shab wo mane-e-roz

darban se larun ke pasban se

jitenge na ham se bazi-e-ishq

aghyar ke pat parenge panse

hai qadr sukhan sakhi ko hasil

yan ke har pir aur jawan se