نزع میں گر مری بالیں پہ تو آیا ہوتا

نزع میں گر مری بالیں پہ تو آیا ہوتا

اس طرح اشک میں آنکھوں میں نہ لایا ہوتا

میرے خورشید نہ ہوتا یہ مرا روز سیاہ

تو نے گر زلف میں مکھڑا نہ چھپایا ہوتا

باغ جنت میں بھی کیا خوب گزرتی میری

واں بھی سر پر جو تری زلف کا سایا ہوتا

ناصحا چاک گریباں کے سلانے سے حصول

چاک آنکھوں کا مری تو نے سلایا ہوتا

پھول پڑتا نہ خلیقؔ آتش گل سے اس پر

آشیاں ہم نے ٹک اونچا جو بنایا ہوتا

nazaa mein gar miri balin pe to aya hota

is tarah ashk mein ankhon mein na laya hota

mere khurshid na hota ye mira roz-e-siyah

tu ne gar zulf mein mukhra na chhupaya hota

bagh-e-jannat mein bhi kya khub guzarti meri

wan bhi sar par jo tiri zulf ka saya hota

nasha chak-e-gareban ke sulane se husul

chak ankhon ka miri tu ne sulaya hota

phul parta na khaliq atish-e-gul se us par

ashiyan ham ne tuk uncha jo banaya hota