نظروں سے گلوں کی نونہالو

نظروں سے گلوں کی نونہالو

شبنم کی طرح گرا سنبھالو

مانو رہ سرکشی نکالو

پگڑی مہ و مہر کی اچھالو

صیاد خفا ہے بلبل و کبک

خاموش رہو نہ بولو چالو

اصنام میں شان حق عیاں ہے

آنکھیں ہیں تو ان کو دیکھو بھالو

ٹھہرو کوئی دم کے مہمان ہیں

چلتے تو ہیں ہم بھی چلنے والو

مشتاق لقا ہے اک خدائی

اب وعدہ حشر پر نہ ٹالو

جھوٹے وہ تم اے گلو ہو برسوں

بے دودھ جو طفل غنچہ پا لو

چھلنی یوں ہی دل ہے نیش غم سے

مژگاں کی نہ برچھیاں سنبھالوں

ہولی نئے قمقموں سے کھیلو

پر خون دل عاشقاں اچھالو

مارا ہی جو شادؔ کو حسینو

خاطر سے غبار تو نکالو

nazron se gulon ki naunihalo

shabnam ki tarah gira sambhalo

mano rah sarkashi nikalo

pagri mah-o-mehr ki uchhalo

sayyad khafa hai bulbul-o-kabk

khamosh raho na bolo chalu

asnam mein shan-e-haq ayan hai

ankhen hain to un ko dekho bhalo

thahro koi dam ke mehman hain

chalte to hain ham bhi chalne walo

mushtaq liqa hai ik khudai

ab waada hashr par na talo

jhute wo tum ai galo ho barson

be dudh jo tifl-e-ghuncha pa lo

chhalni yun hi dil hai nesh-e-gham se

mizhgan ki na barchhiyan sambhalun

holi nae qumqumon se khelo

par khun-e-dil-e-ashiqan uchhalo

mara hi jo shad ko hasino

khatir se ghubar to nikalo