نظیر جس کی مل سکے وہ اپنا ماجرا نہ تھا

نظیر جس کی مل سکے وہ اپنا ماجرا نہ تھا

لکھا نہ تھا پڑھا نہ تھا سنا نہ تھا ہوا نہ تھا

زمانہ میں جو حادثہ مرے لئے نیا نہ تھا

کسی نے بھی سنا نہ تھا کہیں بھی وہ ہوا نہ تھا

جو اس گلی میں رہ گئے خوشی کو اپنی دخل کیا

قسم کسی کی ناصحا قدم ہی اٹھ سکا نہ تھا

غضب میں جان پڑ گئی نہ پوچھ راحت عدم

کسی کو کچھ غرض نہ تھی کسی سے مدعا نہ تھا

جو دفتر زمانہ پر نگاہ اپنی پڑ گئی

جواب ہی نہ جس کا ہو وہ کوئی ماجرا نہ تھا

خیال آرزو ہی تھا کہ یاس نے یہ دی خبر

وہ کعبہ تیرا ڈھ گیا ابھی جو بن چکا نہ تھا

nazir jis ki mil sake wo apna majra na tha

likha na tha parha na tha suna na tha hua na tha

zamana mein jo hadisa mire liye naya na tha

kisi ne bhi suna na tha kahin bhi wo hua na tha

jo us gali mein rah gae khushi ko apni dakhl kya

qasam kisi ki nasha qadam hi uth saka na tha

ghazab mein jan par gai na puchh rahat-e-adam

kisi ko kuchh gharaz na thi kisi se muddaa na tha

jo daftar-e-zamana par nigah apni par gai

jawab hi na jis ka ho wo koi majra na tha

khayal arzu hi tha ke yas ne ye di khabar

wo kaaba tera dha gaya abhi jo ban chuka na tha