نظارے ہوئے ہیں اشارے ہوئے ہیں

نظارے ہوئے ہیں اشارے ہوئے ہیں

ہم ان کے ہوئے وہ ہمارے ہوئے ہیں

ہمیں تو بھلے لگتے ہیں اور بھی اب

وہ زیور کو اپنے اتارے ہوئے ہیں

نہیں پاس کچھ ایک دل ہے سو وہ بھی

قمار محبت میں ہارے ہوئے ہیں

مزے وصل میں جو اٹھائے تھے اے دل

جدائی میں اب وہ ہی آرے ہوئے ہیں

ہمیں ہوش ہے اب کہاں تن بدن کا

کہ مجذوبؔ ان کے پکارے ہوئے ہیں

nazare hue hain ishare hue hain

ham un ke hue wo hamare hue hain

hamen to bhale lagte hain aur bhi ab

wo zewar ko apne utare hue hain

nahin pas kuchh ek dil hai so wo bhi

qimar-e-mohabbat mein hare hue hain

maze wasl mein jo uthae the ai dil

judai mein ab wo hi are hue hain

hamen hosh hai ab kahan tan badan ka

ke majzub un ke pukare hue hain