نعرۂ تکبیر بھی زاہد نثار نغمہ ہے

نعرۂ تکبیر بھی زاہد نثار نغمہ ہے

کس قدر اللہ اکبر اعتبار نغمہ ہے

کیا سریلی تھی صدائے حرف کن روز ازل

اب تک رگ رگ ہماری بے قرار نغمہ ہے

عندلیب خوش نوا پر آنکھ ہے صیاد کی

نرگس شہلا سراپا انتظار نغمہ ہے

تفرقہ ہو اس طرح تو کیا جمے عشرت کا رنگ

دل ضعیف و ناتواں لب زیر بار نغمہ ہے

شعر دو ہیں حضرت غالبؔ کے دیواں میں عزیزؔ

یہ غزل میری اسی مے کا خمار نغمہ ہے

naara-e-takbir bhi zahid nisar-e-naghma hai

kis qadar allah akbar etibar-e-naghma hai

kya surili thi sada-e-harf kin roz-e-azal

ab tak rag rag hamari be qarar naghma hai

andalib-e-khush nawa par ankh hai sayyad ki

nargis-e-shahla sarapa intizar-e-naghma hai

tafriqa ho is tarah to kya jame ishrat ka rang

dil zaif-o-natawan lab zer bar-e-naghma hai

sher do hain hazrat-e-ghalib ke diwan mein aziz

ye ghazal meri isi mai ka khumar-e-naghma hai